Cathy Dewes
Te Arawa, Ngati Porou
Kaupapa kōrero:
“Kua Ao Aku Wawata”
Kia tae atu au ki mua i te aroaro o te Atua, ka patai mai ia, “I pewheatia e koe te reo rangatira i hoatungia na e au ki a koutou?”. Maku e kii atu, anei e te Atua, ko enei tamariki tokoono e noho mai nei ki tenei atamira, na maua ko taku hoa tane i poipoi, i ahuahu, i whakatipu. Ko ratou te hua o a maua ko Rawiri mahi i roto i nga tau. Ko ratou te hua o a maua ko Rawiri pukumahi i roto i nga tau. Ko ratou te hua o a maua ko Rawiri pakanga i roto i nga tau, kia ora ai te reo rangatira nahau i homai ki a maua.
- Ko Te Kapunga Parekura Mokonuiarangi i whanau mai i te tau o te pitihana a Hana Te Hemara, 1972.
- Ko Pirihita, i whanau mai i te tau o te pitihana pouaka whakata a Te Ropu Reo Maori, 1978.
- Ko Kanapu Korohina i whanau mai i te wa i hikoi haere au i nga tiriti o Island Bay, e rapu ana i etahi whanau Maori, kia whakaturia taku “Playgroup” reo Maori, 1979.
- Ko Parekura Niwa i whanau mai i te tau ka patua ahau e nga pirihimana mo taku porotehe ki te kemu whutuporo o Awherika ki te Tonga ratou ko nga Opango, 1981.
- Ko Matenga (Tenga) tera i whanau mai i te tau o Te Kereme Reo Maori (Wai 11), i te whakatuhanga o Te Kainga mo te Reo, me te whakapumau i Te Ataarangi hei kaupapa whakaako i te reo ki nga iwi katoa o roto o Te Arawa, 1985.
- Ko Morehu Te Whakapiripiri i whanau mai i te tau o taku tu ki Te Poari o Te Arawa, 1994.
I whanau mai i Whakatane i te 1951. I kuraina i Matata, i Tikitiki, i Bombay, i Tamakimakaurau, i Poneke. I awhina ki te whakatu/whakahaere i;
- Te Ropu Reo Maori (1970)
- He Kainga mo te Reo (Rotorua)
- Te Runanganui o Te Arawa
- Te Kura o Ruamata
- Te Runanga o Ngati Rangitihi/Te Mana o Ngati Rangitihi
- Te Arawa Lakes Trust
- Te Runanganui o Nga Kura Kaupapa Maori
- Matawera Kohanga Reo
- Te Matakahuki - Ka noho/kua noho ranei hei tarati/mema ki;
- Te Reo Irirangi o Te Arawa
- Mokoia Island Trust
- Nga Tuara Whanui (arotake TKR)
- Te Paepae Motuhake (arotake i te putea whakapau ki nga take reo Maori)
- Whakaata Maori
- Mauriora (kaupapa hou ma te Health Promotion Agency)
- Te Runanga o Te Ataarangi